dil bahut bechain be-aaraam hai — Munni Bai Hijab

kahungaa daavar-e-mahshar kar diyaa jaae
ki umr bhar usi kaafir ko main ne pyaar kiyaa

ham aur biich mein aate hain un ki baaton ke
unhon ne vaada kiyaa ham ne e'tibaar kiyaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

imaarat dair o masjid ki bani hai iinT o patthar se
dil-e-viraana ki kis chiiz se taamir hoti hai