hove na azaab us pe kabhi jis ke pas-e-marg — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

kisi ke ek ishaare mein kis ko kyaa na milaa
bashar ko ziist mili maut ko bahaana milaa

bikhar gayaa hai jo moti pirone vaalaa thaa
vo ho rahaa hai yahaan jo na hone vaalaa thaa

us ki aaankhon mein bhi kaajal phail rahaa hai
main bhi muD ke jaate jaate dekh rahaa huun

miri zindagi to guzri tire hijr ke sahaare
miri maut ko bhi pyaare koi chaahiye bahaana

zindagi ik haadsa hai aur kaisaa haadsa
maut se bhi khatm jis kaa silsila hotaa nahin

maut kyaa ek lafz-e-be-maani
jis ko maaraa hayaat ne maaraa