us ki aaankhon mein bhi kaajal phail rahaa hai — Javed Akhtar

agar palak pe hai moti to ye nahin kaafi
hunar bhi chaahiye alfaaz mein pirone kaa

yahi haalaat ibtidaa se rahe
log ham se khafaa khafaa se rahe

hai paash paash magar phir bhi muskuraataa hai
vo chehra jaise ho TuuTe hue khilaune kaa

tab ham donon vaqt churaa kar laate the
ab milte hain jab bhi fursat hoti hai

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

isi jagah isi din to huaa thaa ye elaan
andhere haar gae zindabaad hindostaan

allaah re zauq-e-dasht-navardi ki baad-e-marg
hilte hain khud-ba-khud mire andar kafan ke paanv

kisi ke ek ishaare mein kis ko kyaa na milaa
bashar ko ziist mili maut ko bahaana milaa

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

udaas aankhon se aansu nahin nikalte hain
ye motiyon ki tarah sipiyon mein palte hain

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho