mujhe khud apni talab kaa nahin hai andaaza — Muzaffar Warsi

Dubone vaalon ko sharminda kar chukaa hungaa
main Duub kar hi sahi paar utar chukaa hungaa

main ne noch ke pheinkin jo shiknein chaadar se
vo sab shiknein duniyaa maathe par le aai

kaahkashaan ke khvaab 'muzaffar' dekh rahaa thaa
aur bedaari ret ke Tiile par le aai

yuun mahsus huaa apni gahraai mein jaa kar
jaise koi mauj kinaare par le aai

ham karein baat dalilon se to rad hoti hai
us ke honTon ki khamoshi bhi sanad hoti hai

kuchh na kahne se bhi chhin jaataa hai ejaaz-e-sukhan
zulm sahne se bhi zaalim ki madad hoti hai

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

kudurat nahin apni tab-e-ravaan mein
bahut saaf bahtaa hai dariyaa hamaaraa

ajiib khvaab thaa taabir kyaa hui us ki
ki ek dariyaa havaaon ke rukh pe bahtaa thaa

ghar ki had mein sahraa hai
aage dariyaa bahtaa hai

jal uThein yaadon ki qindilein sadaaein Duub jaaein
dar-haqiqat khaamushi sahraa bhi hai dariyaa bhi hai

jis ki fitrat mein ho bas ek khudaa ki puujaa
aisi miTTi se koi but na banaayaa jaae