kudurat nahin apni tab-e-ravaan mein — Wazir Ali Saba Lakhnavi

uThaa di qaid-e-mazhab dil se ham ne
qafas se taair-e-idraak niklaa

mai pi ke iid kijiye guzraa mah-e-siyaam
tasbih rakhiye saaghar-o-minaa uThaaiye

tumhaari zulf na girdaab-e-naaf tak pahunchi
hui na chashma-e-haivaan se faiz-yaab ghaTaa

khud-raftagi hai chashm-e-haqiqat jo vaa hui
darvaaza khul gayaa to main ghar se nikal gayaa

tirchhi nazron se na dekho aashiq-e-dil-gir ko
kaise tir-andaaz ho sidhaa to kar lo tiir ko

aap ko ghair bahut dekhte hain
ek din dekhiye pachhtaaiyegaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe