ikaTThe kar ke teri dusri tasvir khinchungaa — Muztar Khairabadi

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

un kaa ik patlaa saa khanjar un kaa ik naazuk saa haath
vo to ye kahiye miri gardan khushi mein kaT gai

tum agar chaaho to miTTi se abhi paidaa hon phuul
main agar maangun to dariyaa bhi na de paani mujhe

zulf ko kyuun jakaD ke baandhaa hai
us ne bosa liyaa thaa gaal kaa kyaa

mire dil ne jhaTke uThaae hain kitne ye tum apni zulfon ke baalon se puchho
kaleje ki choTon ko main kyaa bataaun ye chhaati pe lahraane vaalon se puchho

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ham ek fikr ke paikar hain ik khayaal ke phuul
tiraa vajud nahin hai to meraa saayaa nahin

hausla hai to safinon ke alam lahraao
bahte dariyaa to chaleinge isi raftaar ke saath

kaTi hai umr bas ye sochne mein
mire baare mein vo kyaa sochtaa hai

us ne puchaa thaa kyaa haal hai
aur main sochtaa rah gayaa