vaqt-e-iftaar tum bhi aa jaanaa — Naeem Najmi

zehn jab fikr ke hisaar mein thaa
dil kahaan apne ikhtiyaar mein thaa

zindagi ko 'azaab hone do
husn ko be-naqaab hone do

raushni saare ghar mein hoti thi
ham ne dekhaa hai laalTain kaa daur

mujh se baatein karo mohabbat ki
taalib-e-'ilm huun main urdu kaa

ek jalte bujhte manzar ke havaale kar diyaa
zindagi tujh ko muqaddar ke havaale kar diyaa

dekhaa mujhe to kahne lage tu ye kis liye
dastak diye baghair mire ghar mein aa gayaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

kyaa kahun kyaa miri haalat hui sun kar ye payaam
kuchh tumhein meri judaai kaa bhi gham hai ki nahin

jidhar jaate hain sab jaanaa udhar achchhaa nahin lagtaa
mujhe paamaal raston kaa safar achchhaa nahin lagtaa

thake-haare parinde jab basere ke liye lauTein
saliqa-mand shaakhon kaa lachak jaanaa zaruri hai