ye tamaashaa-e-ilm-o-hunar dosto — Naeem Raza Bhatti

is ko main inqalaab kahtaa huun
ye jo inkaar ki fazaa se uThaa

baat ye hai ki baat koi nahin
main akelaa huun saath koi nahin

pas-e-parda bahut be-pardagi hai
bahut bezaar hai kirdaar apnaa

apni be-e'tidaaliyon ke sabab
main agar baDh gayaa huaa kam bhi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

apni zabaan to band hai tum khud hi soch lo
paDtaa nahin hai yunhi sitam-gar kisi kaa naam

shorish-e-ishq mein hai husn baraabar kaa sharik
soch kar jurm-e-tamannaa ki sazaa do ham ko

jaane kyaa soch ke ham tujh se vafaa karte hain
qarz hai pichhle janm kaa so adaa karte hain

parinde sab nahin zindaan mein maare gae hain
qafas mein kuchh to kuchh naql-e-makaani mein mare hain