ai sakinaan-e-charkh-e-muallaa bacho bacho — Naseem Dehlvi

aankhon mein hai lihaaz tabassum-fizaa hain lab
shukr-e-khudaa ke aaj to kuchh raah par hain aap

sailaab-e-chashm-e-tar se zamaana kharaab hai
shikve kahaan kahaan hain mire aab-dida ke

rabt-e-baaham ke maze baaham rahein to khuub hain
yaad rakhnaa jaan-e-jaan gar main nahin to tu nahin

kaaba nahin hai zaahid-e-ghaafil nishaan-e-dost
dil DhunD aashiqon kaa yahi hai makaan-e-dost

kyaa us haraam-khor ko juz murda hai nasib
aayaa na munh mein gor ke luqma halaal kaa

naam meraa sunte hi sharmaa gae
tum ne to khud aap ko rusvaa kiyaa

tabiat ki mushkil-pasandi to dekho
hasinon se tark-e-vafaa chaahtaa huun

vahin pe TuTne lagtaa hai aitabaar-e-vafaa
jahaan yaqin zyaada dilaae jaate hain

nahin shikva mujhe kuchh bevafaai kaa tiri hargiz
gilaa tab ho agar tu ne kisi se bhi nibhaai ho

zindagi hai yaa koi tufaan hai!
ham to is jiine ke haathon mar chale

gumaan kahtaa hai meraa ki ek din mujh par
tiri vafaa tiri chaahat kaa maan barsegaa

phir usi bevafaa pe marte hain
phir vahi zindagi hamaari hai