apni aankhon ko noch Daalaa hai — Neel Ahmed

dil ki udaasiyon kaa koi sabab nahin hai
bas ye sabab hai mere dil ki udaasiyon kaa

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

main jal gai huun dhuup ki kirnon se jaa-ba-jaa
aur vo samajh rahe hain ki rangat nikhar gai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ek main ne hi ugaae nahin khvaabon ke gulaab
tu bhi is jurm mein shaamil hai miraa saath na chhoD

ai subh main ab kahaan rahaa huun
khvaabon hi mein sarf ho chukaa huun

ham bulaate vo tashrif laate rahe
khvaab mein ye karaamaat hoti rahi

haae vo log gae chaand se milne aur phir
apne hi TuuTe hue khvaab uThaa kar le aae