mohabbat ki hamein fursat nahin thi — Neelma Naheed Durrani

aurat apnaa aap bachaae tab bhi mujrim hoti hai
aurat apnaa aap ganvaae tab bhi mujrim hoti hai

koi to aae khizaan mein patte ugaane vaalaa
gulon ki khushbu ko qaid karnaa koi to sikhe

shabnam tumhaare sahn mein roi tamaam raat
lekin har ek phuul kaa chehra nikhar gayaa

main ne suraj chaand sitaare tere naam likhe hain
jag mein jitne phuul hain saare tere naam likhe hain

ham apne aap mein gum jaa rahe the
kisi guftaar ne chaunkaa diyaa thaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

ghussa aataa hai pyaar aataa hai
ghair ke ghar se yaar aataa hai

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi

sunte hain ishq naam ke guzre hain ik buzurg
ham log bhi faqir usi silsile ke hain