ab kisi se bhi shikaayat na rahi — Nida Fazli

ek be-chehra si ummid hai chehra chehra
jis taraf dekhiye aane ko hai aane vaalaa

kuchh bhi bachaa na kahne ko har baat ho gai
aao kahin sharaab piyein raat ho gai

apne lahje ki hifaazat kijiye
sher ho jaate hain naa-maalum bhi

ghi misri bhi bhej kabhi akhbaaron mein
kai dinon se chaae hai kaDvi yaa allaah

zaruri kyaa har ik mahfil mein baiThein
takalluf ki ravaa-daari se bachiye

yuun to qadam qadam pe hai divaar saamne
koi na ho to khud se ulajh jaanaa chaahiye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul ghunche aaftaab shafaq chaand kahkashaan
aisi koi bhi chiiz nahin jis mein tu na ho

aazaad to barson se hain arbaab-e-gulistaan
aai na magar taaqat-e-parvaaz abhi tak

aisaa na ho ki dosti bhi jaae haath se
ham haath mein gulaab liye sochte rahe