ham bhi kisi kamaan se nikle the tiir se — Nida Fazli

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

kuchh bhi bachaa na kahne ko har baat ho gai
aao kahin sharaab piyein raat ho gai

ye kyaa azaab hai sab apne aap mein gum hain
zabaan mili hai magar ham-zabaan nahin miltaa

zaruri kyaa har ik mahfil mein baiThein
takalluf ki ravaa-daari se bachiye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa