jo kitaabon mein mil nahin sakti — Noor Qureshi

go aable hain paanv mein phir bhi ai rahravo
manzil ki justuju hai to jaari rahe safar

zaraa ye bhi to dekho hansne vaalo
ki main kitni bulandi se giraa huun

piye jaataa hai insaan kaa lahu tak
ye ahd-e-nau bahut pyaasaa lage hai

gaahe-gaahe agar khushi milti
gham kaa itnaa asar nahin hotaa

jab ki pahlu se yaar uThtaa hai
dard be-ikhtiyaar uThtaa hai

yak qadam raah-e-dost hai 'daaud'
lekin afsos paa-e-bakht hai lang

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

jo ghair the vo isi baat par hamaare hue
ki ham se dost bahut be-khabar hamaare hue

log logon se dosti kar ke
kitnaa saste mein bech dete hain