gaahe-gaahe agar khushi milti — Noor Qureshi

jo kitaabon mein mil nahin sakti
dosto aisi daastaan hain ham

go aable hain paanv mein phir bhi ai rahravo
manzil ki justuju hai to jaari rahe safar

zaraa ye bhi to dekho hansne vaalo
ki main kitni bulandi se giraa huun

piye jaataa hai insaan kaa lahu tak
ye ahd-e-nau bahut pyaasaa lage hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kyaa gham hai jo ham gumnaam rahe tum to na magar badnaam hue
achchhaa hai ki mere marne par duniyaa mein miraa maatam na huaa

kaun kis kaa gham khaae kaun kis ko bahlaae
teri be-kasi tanhaa mary bebasi tanhaa

gham ke taarik ufuq par 'aabid'
kuchh sitaare sar-e-mizhgaan guzre