main muqallid nahin huun rivaayaat kaa — Obaidullah Abdi

hamaare baa'd ratjagaa tumhaaraa ham-safar bane
hamaare baa'd karvaTein badalte maut paao tum

kabhi bhi pashemaan na honge kiye par
salaamat raheingi anaaein hamaari

zindagi ki is ghazal mein mere saath
naam teraa hai radifon ki tarah

hamaare baa'd vaahime nasib mein tumhaare hon
hamaare baa'd rak'at-e-namaaz bhuul jaao tum

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yaad aai hai to phir TuuT ke yaad aai hai
koi guzri hui manzil koi bhuli hui dost

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

yuun to maujud apne ghar mein hai
aadmi mustaqil safar mein hai