sab mastiyon mein pheinko na patthar idhar udhar — Owais Ahmad Dauran

bahti nahin hai mard ki aaankhon se ju-e-ashk
lekin hamein bataao ki ham kis liye hansein

ye sehn-e-gulistaan nahin maqtal hai rafiqo!
har shaakh hai talvaar yahaan, jaagte rahnaa

un makaanon mein bhi insaan hi rahte honge
raunaqein jin mein nahin aap ki mahfil ki si

paivand ki tarah nazar aataa hai bad-numaa
pukhta makaan kachche gharon ke hujum mein

shaayad kisi ki yaad kaa mausam phir aa gayaa
pahlu mein dil ki tarah dhaDakne lagi hai shaam

kuchh dard ke maare hain kuchh naaz ke hain paale
kuchh log hain ham jaise kuchh log hain tum jaise

jab ki pahlu se yaar uThtaa hai
dard be-ikhtiyaar uThtaa hai

mujh ko ye soch hai jiite hain ve kyun-kar yaa-rab
apne maashuqon se jo shakhs judaa rahte hain

zamaana dosti par in hasinon ki na itraae
ye aalam-dost aksar dushman-e-aalam bhi hote hain

sahraa pe buraa vaqt mire yaar paDaa hai
divaana kai roz se bimaar paDaa hai

jahaan ho pyaar ghalat-fahmiyaan bhi hoti hain
so baat baat pe yuun dil buraa nahin karte

fikr-e-sukhan talaash-e-maaash o khayaal-e-yaar
gham kam huaa to haan dil-e-be-gham se hovegaa