hai in dinon mein gardish-e-chashm-e-butaan kaa daur — Qurban Ali Salik Beg

'saalik' chakhaaun un ko mazaa jaur kaa abhi
Dartaa huun kuchh buraa na kahein sin ke das mujhe

bach gayaa tir-e-nigaah-e-yaar se
vaaqai aaina hai faulaad kaa

ab tak bhi mere hosh Thikaane nahin hue
'saalik' kaa haal raat ko aisaa sunaa ki bas

tang-dasti agar na ho 'saalik'
tandurusti hazaar neamat hai

sayyaad aur qaid-e-qafas se kare rahaa
jhuTi khabar kisi ki uDaai hui si hai

kyaa sair ho bataa de koi but-kade ki raah
jaataa huun raah kaabe ki main puchhtaa huaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad