dam-e-takfin bhi gar yaar aave — Rajab Ali Beg Suroor

naadaan kah rahe hain jise aaftaab-e-hashr
zarra hai us ke ru-e-darakhshaan ke saamne

ab hai duaa ye apni har shaam har sahar ko
yaa vo badan se lipTe yaa jaan tan se nikle

na pahunchaa gosh tak ik tere haihaat
hazaaron naala niklaa is dahan se

laazim hai soz-e-ishq kaa shoala ayaan na ho
jal bujhiye is tarah se ki mutlaq dhuaan na ho

kyaa yahi thi shart kuchh insaaf ki ai tund-khu
jo bhalaa ho aap se us se buraai kijiye

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

yaad aai hai to phir TuuT ke yaad aai hai
koi guzri hui manzil koi bhuli hui dost

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin