miTTi jab tak nam rahti hai — Rasa Chughtai

jin aankhon se mujhe tum dekhte ho
main un aankhon se duniyaa dekhtaa huun

aur kuchh yuun huaa ki bachchon ne
chhinaa-jhapTi mein toD Daalaa mujhe

huiin aankhein ajab behaal ab ke
ye baarish kar gai kangaal ab ke

dil dhaDaktaa hai sar-e-raah-e-khayaal
ab ye aavaaz jahaan tak pahunche

tujh se milne ko be-qaraar thaa dil
tujh se mil kar bhi be-qaraar rahaa

hai koi yahaan shahr mein aisaa ki jise main
apnaa na kahun aur vo apnaa mujhe samjhe

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

bahut tavil shab-e-gham hai kyaa kiyaa jaae
umid-e-subh bahut kam hai kyaa kiyaa jaae

tanhaaiyon ko saunp ke taarikiyon kaa zahr
raaton ko bhaag aae ham apne makaan se

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain