chaand suraj zamin se ugte hain — Rauf Raheem

millat ki aabru ko milaataa hai khaak mein
leader hamaaraa kitnaa baDaa khaaksaar hai

nahin hai bahr mein be-vazn hai 'rahim' magar
hamaari shaairi sur mein hai aur taal mein hai

milegi seat election mein aap ko ik din
agar ye chamcha-gari kaamyaab ho jaae

hai bajaT ghaaTe mein jurmaane zaruri hain yahaan
is liye sarkaar meri luuT kar khaane ko hai

qaail hain zaaiqe ke gharaz kyaa hai rang se
dastar pe dekhte hi nahin ham mutton kaa rang

nurse ko dekh ke aa jaati hai munh pe raunaq
vo samajhte hain ki bimaar kaa haal achchhaa hai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

baarish ke baa'd raat saDak aaina si thi
ik paanv paaniyon pe paDaa chaand hil gayaa

chaand ne taan li hai chaadar-e-abr
ab vo kapDe badal rahi hogi

chhat pe aai ho aaj barson baad
dekh kar chaand Dar na jaae kahin

charaag chaand shafaq shaam phuul jhiil sabaa
churaain sab ne hi kuchh kuchh shabaahatein teri