sab khvaab hamaare sach hote — Rizwan Hasnie Muslim

kabhi khiffat chhupaane mein kabhi rishte nibhaane mein
kabhi andhaa kabhi bahraa kabhi gungaa banaa huun main

rasman gale to milte hain ham 'iid par zarur
lekin dilon ke faasle hote nahin hain duur

rishte vaa'de baatein yaadein chhoD ke aage aayaa huun
pichhe muD kar dekhungaa to patthar kaa ban jaaungaa

shaadi ke din mu'aamla gambhir ho gayaa
us ne kahaa qubul magar aankh maar ke

baDe hi josh se insaaf ki zanjir kheinchi thi
baDi hi zor se ghanTi giri hai TuuT kar sar par

zaruri hai ki dil par 'aql pahre-daar ho jaae
na jaane kin sharaait par tiraa iqraar ho jaae

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad