muddat hui hai bichhDe hue apne-aap se — Saghar Khayyami

aam teri ye khush-nasibi hai
varna langDon pe kaun martaa hai

kitne chehre lage hain chehron par
kyaa haqiqat hai aur siyaasat kyaa

us vaqt mujh ko daavat-e-jaam-o-subu mili
jis vaqt main gunaah ke qaabil nahin rahaa

kaun kahtaa hai bulandi pe nahin huun 'saaghar'
meri me'raaj-e-mohabbat miri rusvaai hai

chehre to jhurriyon se bhare dil javaan hain
din mein hain shaikh raat mein salmaan-khaan hain

hamaare laal ko darkaar hai vahi laDki
ki jis kaa baap police mein ho kam se kam deputy

mere khvaabon ke jharokon ko sajaate rahiye
na sahi vasl magar yaad to aate rahiye

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

is se baDh kar tiri yaadon ki karun kyaa taazim
teri yaadon mein zamaane ko bhulaa rakkhaa hai

ai shab-e-hijraan ziyaada paanv phailaati hai kyuun
bhar gayaa jitnaa hamaari umr kaa paimaana thaa

buton ke saath li di si jo yaad-allaah baaqi hai
to kyaa shaikh-e-haram tere liye main chhoD duun vo bhi

sach hai 'nizaam' yaad bhi us ko na honge ham
par kyaa karein vo ham se bhulaayaa na jaaegaa