shab bhar main torch Daal ke ye dekhtaa rahaa — Saghar Khayyami

chehre to jhurriyon se bhare dil javaan hain
din mein hain shaikh raat mein salmaan-khaan hain

ab aap hi bataaein vo kaise nibhaaegaa
jis ko nasib dum nahin vo kyaa hilaae gaa

ek qaidi subh ko phaansi lagaa kar mar gayaa
raat bhar ghazlein sunaain us ko thaanedaar ne

mahngaai ke zamaane mein bachchon ki rel-pel
aisaa na ho kamar tiri mahngaai toD de

hamaare laal ko darkaar hai vahi laDki
ki jis kaa baap police mein ho kam se kam deputy

kitne chehre lage hain chehron par
kyaa haqiqat hai aur siyaasat kyaa

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ik bosa maangtaa huun main khairaat-e-husn ki
do maal ki zakaat ki daulat ziyaada ho

hamein to baagh tujh bin khaana-e-maatam nazar aayaa
idhar gul phaaDte the jaib roti thi udhar shabnam

soch din raat yahi hai tire divaane ki
jaaiye shahr ko par chhoDiye sahraa kyunkar