koi aisaa ahl-e-dil ho ki fasaana-e-mohabbat — Saifuddin Saif

husn jalva dikhaa gayaa apnaa
ishq baiThaa rahaa udaas kahin

'saif' andaaz-e-bayaan rang badal detaa hai
varna duniyaa mein koi baat nai baat nahin

shor din ko nahin sone detaa
shab ko sannaaTaa jagaa detaa hai

zindagi kis tarah kaTegi 'saif'
raat kaTti nazar nahin aati

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

hamein khabar hai vo mehmaan ek raat kaa hai
hamaare paas bhi saamaan ek raat kaa hai

sabhi se jab mohabbat chaahte ho
mohabbat kyon nahin karte sabhi se

ajab chiiz hai ye mohabbat ki baazi
jo haare vo jiite jo jiite vo haare

shabaab kar diyaa meraa tabaah ulfat ne
khizaan ke haath ki boi hui bahaar huun main

ham ne to khud se intiqaam liyaa
tum ne kyaa soch kar mohabbat ki

safar ki shaam sitaara nasib kaa jaagaa
phir aasmaan-e-mohabbat pe ik hilaal khilaa

ham mohabbat ki intihaa kar dein
haan magar ibtidaa kare koi