phuul hi phuul yaad aate hain — Sajid Premi

tiraa didaar ho hasrat bahut hai
chalo ki niind bhi aane lagi hai

kuchh nazar aa rahe hain mahfil mein
dekh lo maahtaab sach-much ke

mere khvaabon ke jharokon ko sajaate rahiye
na sahi vasl magar yaad to aate rahiye

yaadon ne le liyaa mujhe apne hisaar mein
meraa vajud haafiza ban kar sukaD gayaa

dil ko dukhaati hai phir bhi kyuun achchhi lagti hai
yaadon ki ye shaam suhaani dil mein qaid hui

vaqt-e-rukhsat alvidaaa kaa lafz kahne ke liye
vo tire sukhe labon kaa thartharaanaa yaad hai

ujli ujli khvaahishon par niind ki chaadar na Daal
yaad ke rauzan se kuchh taaza havaa bhi aaegi

pahle to meri yaad se aai hayaa unhein
phir aaine mein chuum liyaa apne-aap ko