naqd-e-dil kaa baDaa taqaazaa hai — Sakhi Lakhnvi

ham un se aaj kaa shikva kareinge
ukhaaDeinge vo barson ki gaDi baat

na aashiq hain zamaane mein na maashuq
idhar ham rah gae hain aur udhar aap

baat karne mein honT laDte hain
aise takraar kaa khudaa-haafiz

dard ko gurda taDapne ko jigar
hijr mein sab hain magar dil to nahin

dafn ham ho chuke to kahte hain
is gunahgaar kaa khudaa-haafiz

ek do tiin chaar paanch chhe saat
yunhi gin leinge kam ke kyaa maani

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

haqiqatein to aTal hain badal nahin saktin
magar kisi ki tasalli se hausla huaa hai

'abas dil be-kasi pe apni tuun har vaqt rotaa hai
na kar gham ai divaane 'ishq mein aisaa hi hotaa hai

garche halkaa saa dhundlakaa hai tasavvur bhi tiraa
band aankhon ko ye manzar bhi bahut lagtaa hai

ki hai sargoshi sar-e-shaam mire dil ne phir
is liye ham ne lapeTaa nahin bistar apnaa