libaas-e-dard bhi ham ne utaaraa — Saleem Ahmed

main us ko bhuul gayaa thaa vo yaad saa aayaa
zamin hili to main samjhaa ki zalzala aayaa

chali hai mauj mein kaaghaz ki kashti
use dariyaa kaa andaaza nahin hai

main vo maani-e-gham-e-ishq huun jise harf harf likhaa gayaa
kabhi aansuon ki bayaaz mein kabhi dil se le ke kitaab tak

kaun tu hai kaun main kaisi vafaa
haasil-e-hasti hain kuchh rusvaaiyaan

ik patinge ne ye apne raqs-e-aakhir mein kahaa
raushni ke saath rahiye raushni ban jaaiye

ik aag si jalti rahi taa-umr lahu mein
ham apne hi ehsaas mein pakte rahe taa-der

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

baarish ke baa'd raat saDak aaina si thi
ik paanv paaniyon pe paDaa chaand hil gayaa

mire aibon ko ginvaayaa to sab ne
kisi ne meri gham-khvaari nahin ki

hamaare she'r naghme aur sajde
adaa jo ho na paae kyaa hue vo