naam meraa yaad karke chuskiyon ke biich mein — Sandeep Thakur

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

din kaTaa fariyaad se aur raat zaari se kaTi
umr kaTne ko kaTi par kitni khvaari se kaTi

naam tumhaaraa haath pe likhnaa yaad rahaa
ham us ko taqdir banaanaa bhuul gae

yaad aai jab mujhe 'farhat' se chhoTi thi bahan
mere dushman ki bahan ne mujh ko raakhi baandh di

yaad thaa 'suqraat' kaa qissa sabhi ko 'ehtiraam'
sochiye aise mein baDh kar sach ko sach kahtaa to kaun