mizaaj-e-dard ko sab lafz bhi qubul na the — Saud Usmani

khvaahish hai ki khud ko bhi kabhi duur se dekhun
manzar kaa nazaara karun manzar se nikal kar

ye to duniyaa bhi nahin hai ki kinaaraa kar le
tu kahaan jaaegaa ai dil ke sataae hue shakhs

vo chaahtaa thaa ki dekhe mujhe bikharte hue
so us kaa jashn ba-sad-ehtimaam main ne kiyaa

kisi alaav kaa shoala bhaDak ke boltaa hai
safar kaThin hai magar ek baar aakhiri baar

barun-e-khaak faqat chand Thekre hain magar
yahaan se shahr mileinge agar khudaai hui

itni siyaah-raat mein itni si raushni
ye chaand vo nahin miraa mahtaab aur hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham ki band muTThi mein ret saa miraa jivan
jab zaraa kasi muTThi zindagi bikharti hai

tiri zulfon ke saae mein agar ji luun main pal-do-pal
na ho phir gham jo mere naam sahraa likh diyaa jaae

duur mujh se rahte hain saare gham zamaane ke
teri yaad ki khushbu dil mein jab Thaharti hai