haae 'simaab' us ki majburi — Seemab Akbarabadi

umr-e-daraaz maang ke laai thi chaar din
do aarzu mein kaT gae do intizaar mein

tere jalvon ne mujhe gher liyaa hai ai dost
ab to tanhaai ke lamhe bhi hasin lagte hain

hai husul-e-aarzu kaa raaz tark-e-aarzu
main ne duniyaa chhoD di to mil gai duniyaa mujhe

pareshaan hone vaalon ko sukun kuchh mil bhi jaataa hai
pareshaan karne vaalon ki pareshaani nahin jaati

miri khaamoshiyon par duniyaa mujh ko taan deti hai
ye kyaa jaane ki chup rah kar bhi ki jaati hain taqrirein

'simaab' dil havaadis-e-duniyaa se bujh gayaa
ab aarzu bhi tark-e-tamannaa se kam nahin

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

rok do ye raushni ki tez dhaar
meri miTTi mein gundhi hai raat bhi

rang ho raushni ho yaa khushbu
sab mein partav usi hasin ke hain

baarish ke baa'd raat saDak aaina si thi
ik paanv paaniyon pe paDaa chaand hil gayaa