hai ain-e-vasl mein bhi miri chashm su-e-dar — Shaikh Ibrahim Zauq

gayaa shaitaan maaraa ek sajde ke na karne mein
agar laakhon baras sajde mein sar maaraa to kyaa maaraa

moazzin marhabaa bar-vaqt bolaa
tiri aavaaz makke aur madine

tum bhuul kar bhi yaad nahin karte ho kabhi
ham to tumhaari yaad mein sab kuchh bhulaa chuke

ab to ghabraa ke ye kahte hain ki mar jaaeinge
mar ke bhi chain na paayaa to kidhar jaaeinge

maraz-e-ishq jise ho use kyaa yaad rahe
na davaa yaad rahe aur na duaa yaad rahe

zaahid sharaab piine se kaafir huaa main kyuun
kyaa DeDh chullu paani mein imaan bah gayaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

hargiz kiyaa na baad-e-khizaan kaa bhi intizaar
vo taaza gul thaa main ki khilaa aur jhaD gayaa

gar dekhiye to aaina-e-qad-numaa ki shakl
surat main ban rahaa huun tamaam intizaar ki

niind aa chali hai anjum-e-shaam-e-abad ko bhi
aankh ahl-e-intizaar ki ab tak lagi nahin

ham ne aksar tumhaari raahon mein
ruk kar apnaa hi intizaar kiyaa