jaane vaale se mulaaqaat na hone paai — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kahte hain aise vaqt mein vaajib hai jhuuT bhi
tu jhuuT koi bol ki dil phir se ji uThe

ab to vahaan hain jis kaa bayaan bhi hai laa-vajud
sadmon pe haae haae kare ab vo dil kahaan

dil mein rah rah ke shor uThtaa hai
koi rahtaa hai is makaan mein kyaa

rahne de taklif-e-tavajjoh dil ko hai aaraam bahut
hijr mein teri yaad bahut hai gham mein teraa naam bahut