har subh apne ghar mein usi vaqt jaagnaa — Suhail Ahmed Zaidi

ham haar to jaate hi ki dushman ke hamaare
sau pair the sau haath the ik sar hi nahin thaa

ham ne to muund liin aankhein hi tiri diid ke baad
bul-havas jaante hain koi hasin kitnaa hai

dekho to har ik shakhs ke haathon mein hain patthar
puchho to kahin shahr banaane ke liye hai

do paanv hain jo haar ke ruk jaate hain
ik sar hai jo divaar se Takraataa hai

peD unchaa hai magar zer-e-zamin kitnaa hai
lab pe hai naam-e-khudaa dil mein yaqin kitnaa hai

kabhi to lagtaa hai gumraah kar gai mujh ko
sukhan-vari kabhi paighambari si lagti hai

qismat ki tirgi ki kahaani na puchhiye
subh-e-vatan bhi shaam-e-gharibaan hai aaj kal

jo hui subh to dekhe nae qadmon ke nishaan
aaj hi raat ko lauTe the safar se apne

shab ko mai khuub si pi subh ko tauba kar li
rind ke rind rahe haath se jannat na gai

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

kab Thahregaa dard ai dil kab raat basar hogi
sunte the vo aaeinge sunte the sahar hogi

subh tak thaa vahin ye mukhlis bhi
aap rakhte the shab jahaan tashrif