kaar mere yaar ki thi aur phir chori ki thi — Syed Fahimuddin

baat ab tashvish ki koi nahin aisi 'fahim'
duur tak miltaa nahin insaan baaqi khair hai

doctor ki fees kaa sun kar mariz-e-mohtaram
operation se hi pahle kuuch farmaaeinge kyaa

jab ki pahlu se yaar uThtaa hai
dard be-ikhtiyaar uThtaa hai

itnaa batlaa mujhe harjaai huun main yaar ki tu
main har ik shakhs se rakhtaa huun sarokaar ki tu

jis ghaDi ghurte ho ghussa se
nikle paDtaa hai pyaar aankhon mein

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare

dushmanon se pashemaan honaa paDaa hai
doston kaa khulus aazmaane ke baad

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain