yaar se ab ke gar milun 'taabaan' — Taban Abdul Hai

havaa bhi ishq ki lagne na detaa main use hargiz
agar is dil pe hotaa haae kuchh bhi ikhtiyaar apnaa

buraa na maaniyo main puchhtaa huun ai zaalim
ki be-kason ke sataae se kuchh bhalaa bhi hai

aataa nahin vo yaar-e-sitamgar to kyaa huaa
koi gham to us kaa dil se hamaare judaa nahin

aaine ko tiri surat se na ho kyuun kar hairat
dar o divaar tujhe dekh ke hairaan hai aaj

imaan o diin se 'taabaan' kuchh kaam nahin hai ham ko
saaqi ho aur mai ho duniyaa ho aur ham hon

le meri khabar chashm mire yaar ki kyun-kar
bimaar ayaadat kare bimaar ki kyun-kar

jab ki pahlu se yaar uThtaa hai
dard be-ikhtiyaar uThtaa hai

aankhon mein uD rahi hai luTi mahfilon ki dhuul
ibrat-saraa-e-dahr hai aur ham hain dosto

baDi mushkil se ye jaanaa ki hijr-e-yaar mein rahnaa
bahut mushkil hai par aakhir mein aasaani bahut hai

hamein bannaa paDegaa alien varna mire pyaare
tujhe bhi khaaegaa aadam mujhe bhi khaaegaa aadam

gali ke baahar tamaam manzar badal gae the
jo saaya-e-ku-e-yaar utraa to main ne dekhaa

baaz chehre bahut hasin sahi
phir bhi kitnon se dosti ki jaae