be-zaar hain jo jazba-e-hubb-ul-vatani se — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

saaf kahiye ki pyaar karte hain
ye nigaahon kaa qaul-e-mubham kyaa

baar-e-gham-e-jahaan bhi hai teraa khayaal bhi
hain kitni vusatein dil-e-aashufta-haal mein

rumuz-e-ishq ki gahraaiyaan salaamat hain
hamaare khvaab-e-pareshaan kisi ko kyaa maalum

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa