hui surat na kuchh apni shifaa ki — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

khudaa se use maang kar dekhte hain
phir apni duaa kaa asar dekhte hain

bataa nasib-e-nasheman main kyaa duaa maangun
jo aasmaan ki taraf raushni nazar aae

main faqir huun duaa hai
mire paas aur kyaa hai

jurm-e-hasti ki sazaa kyuun nahin dete mujh ko
log jiine ki duaa kyuun nahin dete mujh ko

shadid dhuup mein saare darakht suukh gae
bas ik duaa kaa shajar thaa jo be-samar na huaa

kisa-e-jaan mein tujhe dene ko ab kuchh bhi nahin
so du'aa-e-khair letaa jaa Thahar ai ajnabi