tu dil pe bojh le ke mulaaqaat ko na aa — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tu aur gham-e-ulfat 'jazbi' mujh ko to yaqin aae na kabhi
jis qalb pe TuuTe hon patthar us qalb mein nashtar TuuT gae

unhein haal-e-dil kis tarah likh ke bhejein
na ham un se vaaqif na vo ham se vaaqif

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

dil ek hai to kai baar kyuun lagaayaa jaae
bas ek ishq bahut hai agar nibhaayaa jaae