zamaana aur abhi Thokarein lagaae hamein — Wali Aasi

mauj-e-havaa aab-e-ravaan aur ye zamin o aasmaan
ik roz sab jaaeinge thak allaah bas baaqi havas

gham ke rishton ko kabhi toD na denaa 'vaali'
gham khayaal-e-dil-e-naa-shaad bahut kartaa hai

hamein anjaam bhi maalum hai lekin na jaane kyuun
charaaghon ko havaaon se bachaanaa chaahte hain ham

ishq ki raah mein yuun had se guzar mat jaanaa
hon ghaDe kachche to dariyaa mein utar mat jaanaa

main jis kaa javaab na de paaun
aisaa bhi koi savaal karnaa

sab bichhDe saathi mil jaaein murjhaaein chehre khil jaaein
sab chaak dilon ke sil jaaein koi aisaa kaam karo 'vaali'

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa

ye maanaa vo shajar sukhaa bahut hai
magar us mein abhi saayaa bahut hai

karnaa hai aap ko jo nae raaston ki khoj
sab jis taraf na jaaein udhar jaanaa chaahiye