ai nur-e-jaan-o-dida tire intizaar mein — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

rashk suun tujh labaan ki surkhi par
jigar-e-laala daagh daagh huaa

jise ishq kaa tiir kaari lage
use zindagi kyuun na bhaari lage

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

muntazir us ke dilaa taa-ba-kujaa baiThnaa
shaam hui ab chalo subh phir aa baiThnaa

baagh-e-bahisht se mujhe hukm-e-safar diyaa thaa kyuun
kaar-e-jahaan daraaz hai ab miraa intizaar kar

baarhaa teraa intizaar kiyaa
apne khvaabon mein ik dulhan ki tarah