talkh lagtaa hai use shahr ki basti kaa svaad — Wali Uzlat

tiri vahshat ki sarsar se uDaa juun paat aandhi kaa
miraa dil haath se khoyaa to tere haath kyaa aayaa

jaave thi jaasusi-e-majnun ko taa raahat na le
varna kab lailaa ko thaa sahraa mein jaane kaa dimaagh

ishq gore husn kaa aashiq ke dil ko de jalaa
saanvlon ke aashiqon kaa dil hai kaalaa koelaa

main sahraa jaa ke qabr-e-hazrat-e-majnun ko dekhaa thaa
ziyaarat karte the aahu bagula tauf kartaa thaa

jaa kar fanaa ke us taraf aasuda main huaa
main aalam-e-adam mein bhi dekhaa maza na thaa

vo pal mein jal-bujhaa aur ye tamaam raat jalaa
hazaar baar patinge se hai charaagh bhalaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

uTho ki jashn-e-khizaan ham manaaein ji bhar ke
bahaar aae gulistaan mein kab khudaa jaane

kahaa kyaa jaane kyaa paighaam-bar se
bahut khush aaj aataa hai udhar se