aaj pi lene de saaqi mujhe ji lene de — Waseem Barelvi

ham ye to nahin kahte ki ham tujh se baDe hain
lekin ye bahut hai ki tire saath khaDe hain

tahrir se varna miri kyaa ho nahin saktaa
ik tu hai jo lafzon mein adaa ho nahin saktaa

raat to vaqt ki paaband hai Dhal jaaegi
dekhnaa ye hai charaaghon kaa safar kitnaa hai

bhare makaan kaa bhi apnaa nasha hai kyaa jaane
sharaab-khaane mein raatein guzaarne vaalaa

shartein lagaai jaati nahin dosti ke saath
kiije mujhe qubul miri har kami ke saath

hamaare ghar kaa pataa puchhne se kyaa haasil
udaasiyon ki koi shahriyat nahin hoti

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm