aaine hi aaine the har taraf — Zafar Iqbal Zafar

raabta kyuun rakhun main dariyaa se
pyaas bujhti hai meri sahraa se

ham log to marte rahe qiston mein hamesha
phir bhi hamein jiine kaa hunar kyuun nahin aayaa

mom ke log kaDi dhuup mein aa baiThe hain
aao ab un ke pighalne kaa tamaashaa dekhein

ret kaa ham libaas pahne hain
aur havaa ke safar pe nikle hain

sahraa kaa safar thaa to shajar kyuun nahin aayaa
maangi thiin duaaein to asar kyuun nahin aayaa

tahzib hi baaqi hai na ab sharm-o-hayaa kuchh
kis darja ab insaan ye bebaak huaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

baarish ke baa'd raat saDak aaina si thi
ik paanv paaniyon pe paDaa chaand hil gayaa

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai