kal raat bhi ik chehra hamraah mire jaagaa — Zia Faooqui

mat puchhiye kyaa jitne niklaa thaa main ghar se
ye dekhiye kyaa haar ke lauTaa huun safar se

badan ki qaid se chhuTaa to log pahchaane
tamaam 'umr kisi ko miraa pata na milaa

ye safar ye Dubte suraj kaa manzar aur main
jaane kab ho paaeinge baaham miraa ghar aur main

shu’ur-e-tishnagi ik roz mein pukhta nahin hotaa
mire honTon ne sadiyon karbalaa ki khaak chumi hai

aankhein hain ki ab tak usi chaukhaT pe dhari hain
detaa huun zamaane ko magar apnaa pata aur

pahle thaa bahut faasla baazaar se ghar kaa
ab ek hi kamre mein hai baazaar bhi ghar bhi

shor din ko nahin sone detaa
shab ko sannaaTaa jagaa detaa hai

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

rok do ye raushni ki tez dhaar
meri miTTi mein gundhi hai raat bhi

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein