Anjali Sahar

ہم ہیں چڑھتے ہوئے دریا میں اترنے والے ہم کہاں تیز ہواؤں سے ہیں ڈرنے والے سو دفعہ گر کے اٹھے اٹھ کے چلے ہیں سو ہم سختیٔ راہ سے ہرگز نہیں ڈرنے والے تم نہ ضدی ہو نہ خود سر نہ کوئی صبر و ضبط ایسے ہوتے ہیں بھلا حد سے گزرنے والے لوٹ کر آئے کوئی کچھ تو خبر ہو ہم کو کس جہاں کو چلے جاتے ہیں یہ مرنے والے

ham hain chaDhte hue dariyaa mein utarne vaale

دو چار پل کا ہے یہ غم تیرگی سحرؔ لائی ہے اپنے ساتھ سدا روشنی سحرؔ جذبات دوسروں کے سمجھتا ہے کون اب ہے اپنی اپنی سب کی غمی اور خوشی سحرؔ دور غم فراق بھی دکھ ہے کوئی بھلا دیکھی نہیں ہے تم نے ابھی بے بسی سحرؔ منزل اگر قریب ہے تو چھو کے دیکھیے پانی ہے یا سراب کوئی انجلی سحرؔ

do chaar pal kaa hai ye gham-e-tirgi 'sahar'

ڈر کے مارے کہیں نہ مر جائیں اب کے جیسی بھی ہو گزر جائیں وہم کا تو کوئی علاج نہیں آپ کیوں آئے چارہ گر جائیں شاخ کہنے لگی پرندوں سے سوکھنے کو ہے یہ شجر جائیں اس مکاں میں یہ دل نہیں لگتا چار پیسے ملے تو گھر جائیں ہم پہ جو گزری کیا بتائیں سحرؔ آپ پر گزرے گر تو مر جائیں

Dar ke maare kahin na mar jaaein