daaimi dukh nahin hotaa koi — Anjali Sahar

ab to ye bhi samajh se baahar hai
kis kaa dukh hai jo vaaqa'i dukh hai

ham se kaTtaa nahin ghamon kaa pahaaD
log kahte hain zindagi kam hai

ham ne is Dar se haath kaaT liye
saanp hote gar aastin hoti

sharm se Duub marne kaa hai maqaam
tere hote khushi udaas hain ham

hai in diyon kaa muqaddar bhi beTiyon jaisaa
kahaan banaae gae aur hue kahaan raushan

koi ummid jab nahin hoti
hoti hai ek khud-kushi ummid

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

in se jab puchhaa gayaa bismil tumhaare kyaa karein
hans ke bole zakhm-e-dil dekhaa karein royaa karein

miT chuke jo bhi the tauba-shikani ke asbaab
ab na mai-khaana na paimaana na shisha na subu

zakhm-dar-zakhm sukhan aur bhi hotaa hai vasia
ashk-dar-ashk ubharti hai qalamkaar ki guunj