Arsh Malsiyani

khushk baton men kahan hai shaikh kaif-e-zindagi
vo to pi kar hi milega jo maza piine men hai

bala hai qahr hai aafat hai fitna hai qayamat hai
hasinon ki javani ko javani kaun kahta hai

husn har haal men hai husn paraganda naqab
koi parda hai na chilman ye koi kya jaane

bas isi dhun men raha mar ke milegi jannat
tum ko ai shokh na jiine ka qarina aaya

jitni vo mire haal pe karte hain jafa.en
aata hai mujhe un ki mohabbat ka yaqin aur

'arsh' kis dost ko apna samjhun
sab ke sab dost hain dushman ki taraf

jitni vo mire haal pe karte hain jafaaein
aataa hai mujhe un ki mohabbat kaa yaqin aur

ishq-e-butaan kaa le ke sahaaraa kabhi kabhi
apne khudaa ko ham ne pukaaraa kabhi kabhi

mohabbat soz bhi hai saaz bhi hai
khamoshi bhi hai ye aavaaz bhi hai

maut hi insaan ki dushman nahin
zindagi bhi jaan le kar jaaegi

ik raushni si dil mein thi vo bhi nahin rahi
vo kyaa gae charaagh-e-tamannaa bujhaa gae

saaqi miri khamosh-mizaaji ki laaj rakh
iqraar gar nahin hai to inkaar bhi nahin