maut hi insaan ki dushman nahin — Arsh Malsiyani

jitni vo mire haal pe karte hain jafaaein
aataa hai mujhe un ki mohabbat kaa yaqin aur

ishq-e-butaan kaa le ke sahaaraa kabhi kabhi
apne khudaa ko ham ne pukaaraa kabhi kabhi

mohabbat soz bhi hai saaz bhi hai
khamoshi bhi hai ye aavaaz bhi hai

ik raushni si dil mein thi vo bhi nahin rahi
vo kyaa gae charaagh-e-tamannaa bujhaa gae

khushk baaton mein kahaan hai shaikh kaif-e-zindagi
vo to pi kar hi milegaa jo mazaa piine mein hai

saaqi miri khamosh-mizaaji ki laaj rakh
iqraar gar nahin hai to inkaar bhi nahin

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

arsa-e-zulmat-e-hayaat kaTe
ham-nafas muskuraa ki raat kaTe

khushi kaa ek hi lamha thaa apni zindagi mein
sakhi aise ki vo bhi dusron ke naam kar aae

hamaari zindagi to mukhtasar si ik kahaani thi
bhalaa ho maut kaa jis ne banaa rakkhaa hai afsaana