Khalid Iqbal Yasir

تعبیر سے محروم ترے خواب بہت تھے سادہ سی کہانی تھی مگر باب بہت تھے آ لگتی کنارے سے مری کشتیٔ جاں بھی شاید کہ مرے پاؤں میں گرداب بہت تھے بے نام ہوئے نام کی تکریم کے ہاتھوں پہچانتا کیا کوئی کہ القاب بہت تھے افسوس تموج انہیں ساحل پہ نہ لایا انمول گہر ورنہ تہہ آب بہت تھے ہر لحظہ بدلتی ہوئی رت بس میں نہیں تھی جوبن پہ تھی برسات تو شاداب بہت تھے کچھ ہم بھی بہت سے گئے نمناک ہوا میں کچھ تم بھی تو آمادۂ ایجاب بہت تھے ہم اپنے ہی پابند نہیں تھے کبھی یاسرؔ اٹھ آئے کہ تقریب کے آداب بہت تھے

taabir se mahrum tire khvaab bahut the

کبھی بوند بوند سحاب میں اسے دیکھنا کبھی نغمہ نغمہ رباب میں اسے دیکھنا کسی کرم خوردہ کتاب میں اسے ڈھونڈھنا کسی بھولتے ہوئے باب میں اسے دیکھنا بڑے سہل ہوں گے ملاپ جنت خواب میں مگر اس جہان خراب میں اسے دیکھنا وہ جو سہم سہم گیا ہے شہر پناہ میں مجھے پاؤں ڈالے رکاب میں اسے دیکھنا وہ گھڑی کہ حاصل عمر تھی نہیں بھولتی کہاں پھر اسی تب و تاب میں اسے دیکھنا

kabhi buund buund sahaab mein use dekhnaa

گوشمالی سے کب انہوں نے اثر لیا تھا سرکشوں کو جو کام کرنا تھا کر لیا تھا جب اتر آئے تھے وہ بدلہ اتارنے پر گن کے ایک ایک سر کے بدلے میں سر لیا تھا پاؤں چوکھٹ سے باہر اس نے نہیں نکالے جس نے ورثے میں اپنی نبضوں میں ڈر لیا تھا اپنے ہتھیار طاق میں گر سجا دئیے تھے کیوں کسی ایسے شہر میں جا کے گھر لیا تھا جس نے شورش میں فتح پائی تھی اس نے یاسرؔ باندیوں سے حرم سراؤں کو بھر لیا تھا

goshmaali se kab unhon ne asar liyaa thaa

کبھی نہ آسودۂ عمل ہو مگر ارادہ بھی کم نہیں ہے اور اس ارادے کا اونچی آواز میں اعادہ بھی کم نہیں ہے شہنشہ وقت اور درباری اپنے سود و زیاں سے واقف سریر آرائے سلطنت کوئی خانوادہ بھی کم نہیں ہے عصائے فرماں روائی جادو جگائے جس طور بھی روا ہے رموز اسرار حکمرانی میں شاہزادہ بھی کم نہیں ہے کوئی رکھے بے جہت سفر میں مسافتوں کا حساب کیسے کہ توسن بے زمام کو بے نشان جادہ بھی کم نہیں ہے یہی بہت ہے کسی طرح سے بھرم ہی رہ جائے پیش دنیا اگر میسر نہیں ہے بادہ خیال بادہ بھی کم نہیں ہے مجھ ایسے افتادگاں کی ڈھارس نہ جانے کیسے بندھی ہوئی ہے پہاڑ سی عمر کاٹنے کو یہ ذہن سادہ بھی کم نہیں ہے کسی کا کھوٹا نصیب یاسرؔ کسے خبر کس گھڑی کھرا ہو جلوس شاہی کے ساتھ اک بے زباں پیادہ بھی کم نہیں ہے

kabhi na aasuda-e-amal ho magar iraada bhi kam nahin hai

غلام کی روز و شب غلامی میں کیا کمی تھی کنیز کے التفات و خوبی میں کیا کمی تھی انہیں در خواب گاہ سے کس لیے ہٹایا محافظوں کی وفا شعاری میں کیا کمی تھی جلال گیتی ستاں سے دربار کانپتا تھا مقربوں کی مزاج فہمی میں کیا کمی تھی گراں گزرتا تھا کیوں طبیعت پہ ساتھ اس کا وزیر زادے کی نکتہ سنجی میں کیا کمی تھی نشست میں اس قدر تامل بوقت رخصت مرصع و مستعد سواری میں کیا کمی تھی کھڑے تھے کیوں چوکیدار دو رویہ نیزے تھامے محل کی دیوار کی بلندی میں کیا کمی تھی گزر نہ سکتا تھا کوئی خواجہ سرا نہ باندی حرم کے رازوں کی پاسداری میں کیا کمی تھی نہ جانے سالار مطمئن کیوں نہیں تھے یاسرؔ سپاہ کے عزم و جاں سپاری میں کیا کمی تھی

ghulaam ki roz o shab ghulaami mein kyaa kami thi

شاہ عالم کو سر عام سنا بیٹھا ہوں میرے مولا تری چوکھٹ سے لگا بیٹھا ہوں مجھے معلوم ہیں آداب نشست و برخاست ترے دربار میں اک عمر اٹھا بیٹھا ہوں اسی موسم کی تمنا تھی کئی برسوں سے بادباں کھولنے تھے اور گرا بیٹھا ہوں بھول جانا تھا جسے ثبت ہے دل پر میرے یاد رکھنا تھا جسے اس کو بھلا بیٹھا ہوں بات کیسے میں کروں آنکھ ملا کر اس سے سامنے جس کے نگاہوں کو جھکا بیٹھا ہوں واپسی کا کوئی رستہ نہیں ملتا یاسرؔ کشتیاں اپنی میں پہلے ہی جلا بیٹھا ہوں

shaah-e-aalam ko sar-e-aam sunaa baiThaa huun